O alcalde de Noia, Santiago Freire Abeijon, será o vicepresidente da Asociación de Concellos do Camiño da Ría de Muros-Noia, constituída no mes de agosto. A entidade está integrada polos Concellos de Noia, Ames, Brión, Lousame, Muros, Outes, Porto do Son, Rois e Santiago de Compostela. 

Na primeira asemblea xeral da entidade, presidida pola rexedora de Lousame, aprobáronse os orzamentos e fixáronse as primeiras accións que a entidade levará a cabo ata fin de ano. 

O obxectivo é conseguir, o antes posible, o recoñecemento deste camiño como itinerario cultural -posibilitando o acceso ás axudas públicas que se convocan para este fin- e como ruta de peregrinación oficial.